Lög samtakanna

1. gr. Nafn, heimili og starfssvæði

Félagið heitir Mígrenissamtökin.

Mígrenissamtökin eru frjáls, óháð og óhagnaðardrifin hagsmuna- og sjúklingasamtök fólks með mígreni og aðra höfuðverkjasjúkdóma, aðstandenda þeirra og annarra sem styðja markmið samtakanna.

Starfssvæði samtakanna er allt Ísland.

Heimili og varnarþing samtakanna er á höfuðborgarsvæðinu.

2. gr. Tilgangur og markmið

Tilgangur Mígrenissamtakanna er að bæta lífsgæði, réttindi, þjónustu og samfélagslega stöðu fólks með mígreni og aðra höfuðverkjasjúkdóma.

Markmið samtakanna eru meðal annars að:

standa vörð um réttindi og hagsmuni fólks með mígreni og aðra höfuðverkjasjúkdóma,
auka þekkingu og skilning samfélagsins á mígreni og áhrifum sjúkdómsins,
vinna gegn fordómum, vanþekkingu og mismunun,
stuðla að bættu aðgengi að greiningu, meðferð, endurhæfingu og eftirfylgd,
efla fræðslu fyrir einstaklinga með mígreni, aðstandendur, heilbrigðisstarfsfólk, vinnustaði og almenning,
stuðla að jafnræði og bættum lífsgæðum fólks með mígreni,
vera málsvari fólks með mígreni gagnvart stjórnvöldum, heilbrigðiskerfinu og öðrum opinberum og einkaaðilum,
stuðla að rannsóknum og söfnun upplýsinga um mígreni á Íslandi,
efla samstarf við innlend og erlend sjúklingasamtök, fagfélög, heilbrigðisstofnanir og aðra aðila sem vinna að sambærilegum markmiðum,
stuðla að því að fólk með mígreni geti tekið virkan þátt í samfélagi, námi og atvinnulífi eftir því sem heilsa þess leyfir.

Samtökin skulu í starfi sínu leggja áherslu á fagmennsku, jafnræði, virðingu, gagnsæi og hagsmuni fólks með mígreni.

3. gr. Félagsaðild

Félagsaðild er opin öllum einstaklingum sem styðja tilgang og markmið Mígrenissamtakanna.

Félagsmenn geta verið einstaklingar með mígreni eða aðra höfuðverkjasjúkdóma, aðstandendur þeirra og aðrir einstaklingar sem vilja styðja starf samtakanna.

Stjórn er heimilt að setja nánari reglur um félagsaðild, enda samræmist þær lögum þessum.

4. gr. Réttindi félagsmanna

Fullgildir félagsmenn hafa rétt til þátttöku í starfi samtakanna og rétt til setu á aðalfundi.

Félagsmenn sem hafa náð 18 ára aldri hafa atkvæðisrétt og kjörgengi á aðalfundi, enda séu þeir skráðir félagsmenn samkvæmt félagaskrá samtakanna.

Hver félagsmaður hefur eitt atkvæði.

5. gr. Félagsgjöld og tekjur

Aðalfundur ákveður félagsgjöld ár hvert.

Tekjur samtakanna geta meðal annars verið:

félagsgjöld,
styrkir og framlög,
gjafir,
tekjur af fræðslu, viðburðum og fjáröflun,
opinberir styrkir,
samstarfsverkefni,
aðrar lögmætar tekjur sem samræmast tilgangi samtakanna.

Öllum tekjum og eignum samtakanna skal varið til að ná markmiðum þeirra.

Enginn félagsmaður á tilkall til eigna eða hagnaðar samtakanna.

Samtökin skulu gæta sjálfstæðis síns gagnvart styrktaraðilum og öðrum samstarfsaðilum. Fjárhagslegur stuðningur skal ekki hafa áhrif á stefnu samtakanna eða afstöðu þeirra í hagsmunamálum félagsmanna.

6. gr. Aðalfundur

Aðalfundur fer með æðsta vald í málefnum Mígrenissamtakanna.

Aðalfundur skal haldinn árlega fyrir lok maí.

Stjórn skal boða til aðalfundar með sannanlegum hætti með að minnsta kosti tveggja vikna fyrirvara.

Í fundarboði skal koma fram fundarstaður, fundartími og dagskrá.

Heimilt er að halda aðalfund að hluta eða öllu leyti með rafrænum hætti, enda sé tryggt að félagsmenn geti tekið þátt í umræðum og atkvæðagreiðslu.

7. gr. Dagskrá aðalfundar

Á aðalfundi skulu eftirfarandi mál tekin fyrir:

Kosning fundarstjóra og fundarritara.
Skýrsla stjórnar um starfsemi liðins árs.
Ársreikningur lagður fram til samþykktar.
Starfsáætlun næsta árs.
Ákvörðun félagsgjalda.
Kosning stjórnar samkvæmt lögum félagsins.
Kosning skoðunarmanns reikninga eða endurskoðanda eftir því sem við á.
Tillögur að lagabreytingum.
Önnur mál.

Einfaldur meirihluti greiddra atkvæða ræður úrslitum mála nema annað sé sérstaklega tekið fram í lögum þessum.

8. gr. Stjórn

Stjórn Mígrenissamtakanna skal skipuð fimm einstaklingum:

formanni,
varaformanni,
gjaldkera,
ritara,
meðstjórnanda.

Heimilt er að kjósa allt að tvo varamenn.

Stjórnarmenn skulu kosnir á aðalfundi til tveggja ára í senn.

Stjórn skiptir með sér verkum að öðru leyti en því sem aðalfundur ákveður sérstaklega.

Stjórn fer með málefni samtakanna milli aðalfunda og ber ábyrgð á rekstri þeirra, stefnu og framkvæmd samþykkta aðalfundar.

Stjórn er heimilt að stofna vinnu- og málefnahópa eftir þörfum.

9. gr. Stjórnarfundir og ákvörðunartaka

Formaður boðar stjórnarfundi eftir þörfum eða þegar að minnsta kosti tveir stjórnarmenn óska þess.

Stjórnarfundur er ályktunarhæfur þegar meirihluti stjórnarmanna tekur þátt.

Einfaldur meirihluti ræður úrslitum við atkvæðagreiðslur stjórnar. Falli atkvæði jöfn skal tillaga teljast felld.

Halda skal fundargerðir stjórnarfunda.

10. gr. Fjármál og reikningsár

Reikningsár Mígrenissamtakanna er almanaksárið.

Stjórn ber ábyrgð á fjárreiðum samtakanna og skal tryggja að bókhald sé fært í samræmi við lög og góða reikningsskilavenju.

Ársreikningur skal lagður fyrir aðalfund til samþykktar.

Skoðunarmaður reikninga eða endurskoðandi, eftir því sem við á, skal fara yfir reikninga samtakanna fyrir aðalfund.

11. gr. Starfsmenn og framkvæmdastjórn

Stjórn er heimilt, eftir því sem fjárhagur og umfang starfseminnar leyfir, að ráða framkvæmdastjóra og annað starfsfólk til samtakanna.

Stjórn ákveður starfskjör framkvæmdastjóra og skilgreinir ábyrgð hans og umboð.

Framkvæmdastjóri annast daglegan rekstur samkvæmt starfslýsingu og ákvörðunum stjórnar og ber ábyrgð gagnvart stjórn.

Stjórnarseta ein og sér felur ekki í sér rétt til launa nema aðalfundur ákveði annað.

12. gr. Hagsmunaárekstrar og sjálfstæði

Stjórnarmenn og starfsmenn skulu gæta þess að persónulegir, faglegir eða fjárhagslegir hagsmunir þeirra hafi ekki óeðlileg áhrif á ákvarðanir samtakanna.

Stjórnarmaður skal upplýsa stjórn um hugsanlega hagsmunaárekstra og skal ekki taka þátt í afgreiðslu máls ef verulegir persónulegir eða fjárhagslegir hagsmunir hans eða náinna aðila tengjast málinu.

Mígrenissamtökin skulu starfa sjálfstætt gagnvart fyrirtækjum, heilbrigðisþjónustu, stjórnvöldum og öðrum hagsmunaaðilum.

13. gr. Aukaaðalfundur

Stjórn getur boðað til aukaaðalfundar þegar hún telur þörf á.

Stjórn er skylt að boða til aukaaðalfundar ef að minnsta kosti 20% atkvæðisbærra félagsmanna óska þess skriflega og tilgreina fundarefni.

Boða skal aukaaðalfund með að minnsta kosti sjö daga fyrirvara.

Aukaaðalfundur getur aðeins tekið ákvörðun um þau mál sem tilgreind eru í fundarboði.

14. gr. Lagabreytingar

Tillögur að breytingum á lögum Mígrenissamtakanna skulu berast stjórn fyrir aðalfund og skulu kynntar félagsmönnum með fundargögnum.

Til breytinga á lögum þarf samþykki að minnsta kosti 2/3 hluta greiddra atkvæða á lögmætum aðalfundi.

15. gr. Slit samtakanna

Ákvörðun um slit Mígrenissamtakanna verður aðeins tekin á aðalfundi eða aukaaðalfundi sem sérstaklega hefur verið boðaður með slit samtakanna á dagskrá.

Til slita þarf samþykki að minnsta kosti 3/4 hluta greiddra atkvæða.

Við slit skulu eignir samtakanna, að frádregnum skuldum, renna til óhagnaðardrifins félags eða samtaka sem vinna að málefnum fólks með mígreni, höfuðverkjasjúkdóma, langvinna sjúkdóma eða skyldum heilbrigðis- og réttindamálum.

Eignum skal aldrei úthlutað til félagsmanna.

lög samtakanna

1. gr. Nafn, heimili og starfssvæði

Félagið heitir Mígrenissamtökin.

Mígrenissamtökin eru frjáls, óháð og óhagnaðardrifin hagsmuna- og sjúklingasamtök fólks með mígreni og aðra höfuðverkjasjúkdóma, aðstandenda þeirra og annarra sem styðja markmið samtakanna.

Starfssvæði samtakanna er allt Ísland.

Heimili og varnarþing samtakanna er á höfuðborgarsvæðinu.

2. gr. Tilgangur og markmið

Tilgangur Mígrenissamtakanna er að bæta lífsgæði, réttindi, þjónustu og samfélagslega stöðu fólks með mígreni og aðra höfuðverkjasjúkdóma.

Markmið samtakanna eru meðal annars að:

standa vörð um réttindi og hagsmuni fólks með mígreni og aðra höfuðverkjasjúkdóma,

auka þekkingu og skilning samfélagsins á mígreni og áhrifum sjúkdómsins,

vinna gegn fordómum, vanþekkingu og mismunun,

stuðla að bættu aðgengi að greiningu, meðferð, endurhæfingu og eftirfylgd,

efla fræðslu fyrir einstaklinga með mígreni, aðstandendur, heilbrigðisstarfsfólk, vinnustaði og almenning,

stuðla að jafnræði og bættum lífsgæðum fólks með mígreni,

vera málsvari fólks með mígreni gagnvart stjórnvöldum, heilbrigðiskerfinu og öðrum opinberum og einkaaðilum,

stuðla að rannsóknum og söfnun upplýsinga um mígreni á Íslandi,

efla samstarf við innlend og erlend sjúklingasamtök, fagfélög, heilbrigðisstofnanir og aðra aðila sem vinna að sambærilegum markmiðum,

stuðla að því að fólk með mígreni geti tekið virkan þátt í samfélagi, námi og atvinnulífi eftir því sem heilsa þess leyfir.

Samtökin skulu í starfi sínu leggja áherslu á fagmennsku, jafnræði, virðingu, gagnsæi og hagsmuni fólks með mígreni.

3. gr. Félagsaðild

Félagsaðild er opin öllum einstaklingum sem styðja tilgang og markmið Mígrenissamtakanna.

Félagsmenn geta verið einstaklingar með mígreni eða aðra höfuðverkjasjúkdóma, aðstandendur þeirra og aðrir einstaklingar sem vilja styðja starf samtakanna.

Stjórn er heimilt að setja nánari reglur um félagsaðild, enda samræmist þær lögum þessum.

4. gr. Réttindi félagsmanna

Fullgildir félagsmenn hafa rétt til þátttöku í starfi samtakanna og rétt til setu á aðalfundi.

Félagsmenn sem hafa náð 18 ára aldri hafa atkvæðisrétt og kjörgengi á aðalfundi, enda séu þeir skráðir félagsmenn samkvæmt félagaskrá samtakanna.

Hver félagsmaður hefur eitt atkvæði.

5. gr. Félagsgjöld og tekjur

Aðalfundur ákveður félagsgjöld ár hvert.

Tekjur samtakanna geta meðal annars verið:

félagsgjöld,

styrkir og framlög,

gjafir,

tekjur af fræðslu, viðburðum og fjáröflun,

opinberir styrkir,

samstarfsverkefni,

aðrar lögmætar tekjur sem samræmast tilgangi samtakanna.

Öllum tekjum og eignum samtakanna skal varið til að ná markmiðum þeirra.

Enginn félagsmaður á tilkall til eigna eða hagnaðar samtakanna.

Samtökin skulu gæta sjálfstæðis síns gagnvart styrktaraðilum og öðrum samstarfsaðilum. Fjárhagslegur stuðningur skal ekki hafa áhrif á stefnu samtakanna eða afstöðu þeirra í hagsmunamálum félagsmanna.

6. gr. Aðalfundur

Aðalfundur fer með æðsta vald í málefnum Mígrenissamtakanna.

Aðalfundur skal haldinn árlega fyrir lok maí.

Stjórn skal boða til aðalfundar með sannanlegum hætti með að minnsta kosti tveggja vikna fyrirvara.

Í fundarboði skal koma fram fundarstaður, fundartími og dagskrá.

Heimilt er að halda aðalfund að hluta eða öllu leyti með rafrænum hætti, enda sé tryggt að félagsmenn geti tekið þátt í umræðum og atkvæðagreiðslu.

7. gr. Dagskrá aðalfundar

Á aðalfundi skulu eftirfarandi mál tekin fyrir:

Kosning fundarstjóra og fundarritara.

Skýrsla stjórnar um starfsemi liðins árs.

Ársreikningur lagður fram til samþykktar.

Starfsáætlun næsta árs.

Ákvörðun félagsgjalda.

Kosning stjórnar samkvæmt lögum félagsins.

Kosning skoðunarmanns reikninga eða endurskoðanda eftir því sem við á.

Tillögur að lagabreytingum.

Önnur mál.

Einfaldur meirihluti greiddra atkvæða ræður úrslitum mála nema annað sé sérstaklega tekið fram í lögum þessum.

8. gr. Stjórn

Stjórn Mígrenissamtakanna skal skipuð fimm einstaklingum:

formanni,

varaformanni,

gjaldkera,

ritara,

meðstjórnanda.

Heimilt er að kjósa allt að tvo varamenn.

Stjórnarmenn skulu kosnir á aðalfundi til tveggja ára í senn.

Stjórn skiptir með sér verkum að öðru leyti en því sem aðalfundur ákveður sérstaklega.

Stjórn fer með málefni samtakanna milli aðalfunda og ber ábyrgð á rekstri þeirra, stefnu og framkvæmd samþykkta aðalfundar.

Stjórn er heimilt að stofna vinnu- og málefnahópa eftir þörfum.

9. gr. Stjórnarfundir og ákvörðunartaka

Formaður boðar stjórnarfundi eftir þörfum eða þegar að minnsta kosti tveir stjórnarmenn óska þess.

Stjórnarfundur er ályktunarhæfur þegar meirihluti stjórnarmanna tekur þátt.

Einfaldur meirihluti ræður úrslitum við atkvæðagreiðslur stjórnar. Falli atkvæði jöfn skal tillaga teljast felld.

Halda skal fundargerðir stjórnarfunda.

10. gr. Fjármál og reikningsár

Reikningsár Mígrenissamtakanna er almanaksárið.

Stjórn ber ábyrgð á fjárreiðum samtakanna og skal tryggja að bókhald sé fært í samræmi við lög og góða reikningsskilavenju.

Ársreikningur skal lagður fyrir aðalfund til samþykktar.